في تصنيف شركات اخرى بواسطة
عُدل بواسطة
شركات البترول اللى بتعمل تدريب صيفى لطلاب جيولوجيا وازاى اقدم اهلا بكم في موقع نصائح من أجل الحصول على المساعدة في ايجاد معلومات دقيقة قدر الإمكان من خلال إجابات وتعليقات الاخرين الذين يمتلكون الخبرة والمعرفة بخصوص هذا السؤال التالي : . شركات البترول اللى بتعمل تدريب صيفى لطلاب جيولوجيا وازاى اقدم وفي النهاية بعد ما قدمنا الإجابة لكم في الأسفل علي سؤالكم شركات البترول اللى بتعمل تدريب صيفى لطلاب جيولوجيا وازاى اقدم نتمنى لكم النجاح والتفوق في حياتكم، ونرجو أن تستمروا في مواصلة زيارة موقع tipsfull.com وأن تواصلوا الحفاظ على طاعة الله وفعل الخيرات ومساعدة الاخرين.

1 إجابة واحدة

0 تصويتات
بواسطة
الكلام اللي تحت ده مهم جدا ودقيق بنسبة لا تقل عن 80 % لاي حد مهتم بتدريب في فترة الصيف في مجال البترول...هضيف كام ملحوظة كدة من واقع حاجات حصلتلي لما كنت بتدرب وانا طالب و اللي شفته لما شباب بيجوا يتدربوا في الشركة اللي انا شغال فيها حاليا:

1-حاول تتعلم حاجة جديدة حتي لو بسيطة كل الشركات بلا استثناء محدش هيعلمك فيها حاجه لو انت مش مهتم...شركات كتير هتروح تكتشف ان ممكن محدش يحس بيك من ساعة ما تدخل الصبح لحد ما تروح...عادي ....دور انت ع اللي ممكن تتعلمه وخليهم يساعدوك متبقاش كمالة عدد وعايز شهادة في الاخر

2-لاحظ ان المكان ده برضه مكان شغل والناس فيه بيقي وراهم شغل وكذا حاجه تتسلم في معادها ف متزعلش لو حد قالك مش فاضي اقعد معاك او قالك استني ل اخر اليوم...عادي

3-معظم الشركات المحترمة هتقيمك علي ال attitude بتاعك اكثر من قوتك العلمية فبالتالي خليك ملتزم في مواعيدك وفي تعاملك مع الناس حتي لو موظفين الشركة نفسهم غير ملتزمين بشكل او باخر...في الاخر انت اللي تحت التقييم

4-شكلك مهم...محدش يضحك علي ويقولك عكس كده ...مش مهم يكون لبسك غالي...بالعكس..بس مهم يكون شكلك (مهندم)..لو بتحب تنكش شعرك وتعمل ذقنك dirty look قشطة بس تعال علي نفسك الكام يوم دول وبلاش :D...عارف انك هتتحول لموظف شكله ممل بس معلهش

5-لو اتسألت سؤال متعرفش اجابته قول معرفش....بس متسكتش اسأل بعد معرفش دي "ممكن اوصل للاجابة ازاي" متحسسش اللي قدامك انك عايز الاجابة بمعلقة...محدش بيحب كده..انت هناك عشان تتعلم حاجة محدش ابدا هيزغل لو قلت معرفش

6-تكوين علاقة ظريفة مع اللي بيدربوك خلال الفترة دي مهم جدا بس بشكل محترف مش بشكل شخصي..بمعني انهم يفضلوا فاكرينك بشغلك...وده ممكن يساعدك كتير قدام في الشغل ان شاءالله

7-مش شرط ابدا انك تشتغل في الشركة اللي عملت فيها تدريب....ومش معني انت متدربتش فيها انك منشتغلش فيها ( بشكل شخصي عمري ما اتدربت في الشركة اللي انا شغال فيها حاليا)

8-في طرق تدريب في شركات كثير بتعتمد انها تخليك تحت ضغط رهيب طول فترة التدريب ف ياريت تنشف كده و متزهاقش بسرعة

9-محدش هيسألك عملت كام تدريب وفين علي قد ما هيبقي مهم انت اتعلمت فيهم ايه...حاول تتعلم محدش هيديك العلم بمعلقة

بما ان بدء شهر 3 .. والناس هتبدء تسمع وتفكر في موضوع التدريب الصيفي .. بص يا سيدي . حضرتك تروح علي شئون الطلبه بتاعتك من دلوقتي .. ومتستناش الزحمه والضغط عليها بعد شهر مثلا او شهرين ... هتروح تعمل إفاده انك طالب مقيد في الكليه بتاعتك .. وانها موجهه لشركة ( وتكتب اسم الشركه مظبوط واتاكد منه ) .. اعملك بقي افادتين تلاته اربعه خمسه مفيش مشكله :D .. واختم وامضي وجهز حالك .. بس خلي بالك من حاجه حاول تحط تاريخ في الافاده لفترة التدريب عشان ان شاء الله لما يجيلك تدريبين مثلا ميحصلش تضارب ف المواعيد ومتعرفش تحضر واحد بس .... مثثلا تكتب خلال الفتره النص الاول من شهر يوليو .. او النصف الثاني .. او النصف الاول من شهر اغسطس ... وهكذا ....
.........
التدريب بيفضل انك تكون مستوي تالت .. لكن لو مستوي تاني .. حاول مش هتخسر حاجه هتتعلم .. وممكن تيجي معاك .. جت معايا انا شخصيا :D .... وطبعا مستوي اول ميتكلمش الا ومعاه حد معرفه :D الافضل يستني لمستوي تاني :D ويبدء يجرب
......
عملت افاداتك يا معلم تيجي بقي تختار يوم مثلا محاضراتك قليله فيه او اجازه .. وتطلع بدررري وتشد عالقاهره ... هنا بقي في حاجه مهمه ... قبل ما تروح تكون عارف كويس مكان الشركه اللي انت رايحها عشان توفر في الوقت ... يعني لو في المعادي فين بالظبط في المعادي وتركب عربية ايه وكده .. في مدينة نصر تعرف فين بالظبط فيها ..
........
نيجي بقي انت وصلت الشركه ... عالباب في نوعيه من الامن هيحاول ياخد منك الورق .. هنا نسبة ان الورق يدخل جوا 20% .. فحاول علي اد ما تقدر بطريقه حلوه .. تقوله انا من جامعة كذا وداخل لادارة التدريب ...
...........
نيجي للشركات اللي نسبة القبول فيها عاليه جدا ده في حالة انك قدمت بدري للتدريب .. مهم اوي انك تقدم قبل 15/4 ... بعد الفتره دي الضغط بيبقي رهيب والفرصه صعبه ....
..

اولا شركات نسبتها عاليه زي : الشركة العامه للبترول_قارون_عجيبه_بتروجلف_سوكو _الامل _الوسطاني #مش متاكد من الاسم _ جمسه للبترول ..
...
شركات النسبه فيها متوسطه: ( خالده للبترول _ بدر الدين #بابيتكو _ جابكو ( شركة بترول خليج السويس) اها اسمها Gupco مش jupco :D . ._ الهيئة العامة للبترول )
...
شركات النسبه فيها ضعيفه : ( #بتروبل( بترول بلاعيم_ سينو ثروه _ EDC ( Egyptian drilling company )
.......
معني النسبه عاليه ومتوسطه وضعيفه .. يعني دور الواسطه مهم او عادي ...
...
بالنسبه بقي للشركات الاجنبيه : شل _ شلمبرجير_ BP ... دي بقي شركات ليها ظروف تانيه زي .: بتحتاج تعمل CV محترم .. ومش معني محترم انك تعمله عشر صفحات لا .. هي صفحه واحده وتكتبه بالترتيب وبشكل حلو وخلي حد يراجعهولك ... تاني حاجه بتشوف الايميلات بتاعت الشركات دي وتبعت ... شلمبرجير التدريب فيها تقريبا شهر تدريب زي اي تدريب بتروح تحضر وبتاخد تدريب في كذا جزء ... اما بقي شل و BP دي بيبقي حاجه اسمها Internship .. يعني بتقعد فترة تدريب طويله شغال علي بروجيكت كامل مثلا .. وبيبقي في شغل عالي شويه منهم ... ان ربنا كتبلك وال CV اتقبل .. في انترفيو هيتعملك ف الشركه وامتحان بسيط غالبا .... في شركات ممكن حسب الظروف تفتح تدريب وممكن لا زي BG & Halliburton
...
عشان توصل علي موقع الشركه لمكان التدريب ( بتكتب في البحث علي موقع الشركه كلمة ( Internship or summer training )

أسئلة مشابهة

0 إجابة
سُئل أكتوبر 28، 2018 بواسطة مجهول
0 إجابة
0 إجابة
سُئل فبراير 25 بواسطة مجهول
0 إجابة
سُئل يونيو 6، 2019 بواسطة المساعد
0 إجابة
سُئل يونيو 6، 2019 بواسطة المساعد
مرحبًا بك في موقع نصائح، حيث يمكنك طرح الأسئلة وانتظار الإجابة عليها من المستخدمين الآخرين.
...